Accessibility links

Prezidan Donald Trump Bay Pèmi pou Konstwi yon Tiyo Kap Pote Petwòl Soti Kanada pou Rive Ozetazini

  • Ekip Sèvis Kreyòl VOA

President Donald Trump nan biwo Oval la nan Lamezon Blanch. 24 mas 2017. (Foto: AP/Evan Vucci)

Administrasyon Prezidan Donald Trump la bay yon pèmi federal pou pwojè manman tiyo petwòl Keystone XL la apre ansyen Prezidan Barack Obama te rejte demann la sa gen 2 lane.

Vandredi 24 mas 2017 la, Depatman Deta Ameriken anonse li akòde yon pèmi pou TransCanada bati tiyo gaz la. Nouvèl aministrasyon amerikèn nan kwè pwojè konstriksyon tiyo gas sa a nan enterè nasyon an.

Nan menm jounen an, Prezidan Donald Trump deklare tiyo sa a ap gen mwens danje pase lòt metòd pou transpòte petwòl yo. Li ajoute pou l di konstriksyon sa a te dwe fèt lontan deja.

Manman tiyo a ap travèse yon distans 1700 mil e l ap transpòte anviwon 830.000 barik petwòl pa jou soti nan vi Alberta nan Kanada pou rive nan Nebraska, Ozetazini.


XS
SM
MD
LG