Premye minis Irak la, Haider al Abadi, fè konnen operasyon pou repran Mosoul nan men gwoup Eta Islamik la ap mache pi vit anpil pase sa l te prevwa.
Li pale konsa nan Pari an Frans kote minis afè etranjè ki soti nan Loksidan e nan Mwayenn Oryan an ap reyini pou pale sou jan yo ka retabli lapè ak estabilite depi gwoup Eta Islamik la deyò nan Mosoul.
Pentagòn anonse ke yon solda ameriken pèdi lavi l nan yon eksplozyon nan nò Irak, men li pa klè si ensidan sa a gen rapò ak operasyon pou repran Mosoul la.