Accessibility links

Patisipasyon Ayiti nan yon Rankont Karayibeyen sou Blanchiman Lajan ak Sikilasyon Move Lajan

  • Ekip Sèvis Kreyòl VOA

Minis Jistis ayisyen an, Mèt Camille Edouard Junior, twouve l nan Miami depi Mekredi 7 Sept 2016 la pou li patisipe nan yon rankont kap dewoule ak patisipasyon responsab jistis tout peyi nan Karayib yo sou zafè blanchiman lajan ak sikilasyon move lajan nan rejyon an. Mesye Edouard anonse kèk desizyon enpòtan pral sòti nan rankont sa a kote patisipan yo prevwa debat kesyon pou konnen èske Ayiti fè pwogrè nan lit kont lajan sal la. Minis Jistis Ayisyen an reponn kesyon kolaboratè nou Pierre Nazon Beaulière ki rankontre li nan Miami. Misye Edouard reponn kesyon kolaboratè nou Pierre Nazon Beaulière.

Yon lòt kote, sou dosye eleksyon an nan peyi d Ayiti, pandan KEP a ap vanse ak pwosesis la, prezidan Chanm Depite a, Cholzer Chancy, lanse yon apèl bay otorite gouvènmantal yo ak dirijan yo nan Konsèy Elektoral Pwovizwa a pou l mande yo pou dispozisyon pou anpeche anplwaye Leta yo fè pati pri an favè yon kandida kont yon lòt dekwa pou eleksyon 9 oktob 2016 la pa dewoule yon fason lib, onèt e demokratik. Korespondan nou nan Pòtoprens Renan Toussaint ap di nou Misye Chancy mande pou okenn reprezantan otorite santral la pa sèvi ak materyèl ni machin Leta pou apiye kanpay yon kandida.

Anfen 247 sipèvizè elektoral ki gen pou travay nan 10 komin nan Depatman Nòdwès la, ap resevwa fòmasyon semèn sa a sou fason pou yo reyalize yon travay pwosesyonèl. Korespondan nou Dieuseul Junior Louis bay detay depi vil Pòdepè.

XS
SM
MD
LG